「我好希望喺呢5年內，我能夠有50間分店。」在利園萬呎新⼯作室開幕禮，聽到V博⼠此番豪⾔，⾃然想像他⼀路走來就是典型尖⼦︰開學前熟讀課本﹑年年考第⼀﹑順利入讀名校﹑進入科研界﹑轉入補習界後繼續⼀帆風順。怎想到他的求學路第⼀章，就是會考失⼿，未能升讀原校。之後曾轉做侍應，更想過⼀直做下去，直⾄遇⾒⼀盞指路明燈。

「邊有⼈鍾意讀書？」

V博⼠成為博⼠之前，也曾經是不愛讀書的⼩朋友，Band 1學校出⾝，中五讀理科，但會考成績不夠升讀原校。「唔係失⼿，係咎由⾃取，我根本就無去認真對待讀書這件事。因為成⽇都有⼀個概念，覺得讀書唔⼀定係成功階梯，邊有⼈鍾意讀書？」

⼈⽣看似跟書本緣份已盡，這個Band 1學⽣想着⾏⾏出狀元，暑假在尖沙嘴⼀間越南餐廳找到侍應⼯作，覺得有近萬⼈⼯已很不錯，更想過就⼀直做下去。直⾄⼀晚收⼯時，同事⼀句提醒，「其實你有冇諗過⼗年後係點，⼗年之後你都係⼀個侍應，或者係⼀個侍應頭⽬？」原來同事⾒到V博⼠跟外國客⼈流利溝通，覺得跟⾃⼰不是同類⼈，勸告他繼續學業。⼼靈雞湯經常聽到，但你有否記入⼼中，實⾏出來？當年的V博⼠有幸適時出現指路明燈，他也把握了這個提示，下定決⼼轉向重讀，未來的路也因此改變。

「點解你咁鍾意讀書？」

由Band 1來到Band 5中學重讀，⾯對沒有讀書概念的同學，V博⼠指，在這裡會聽書的才是異類。重拾舊惡習，跟新同學⼀起耍樂是最⾃然不過，但經過⼀個暑假的經歷，他學會反思⾃⼰的錯誤，決⼼改變，坐前排聽講，老師反⽽很奇怪地問「你做乜嘢？」「聽書囉」 「點解你咁鍾意讀書？你真係好有決⼼考會考。」
此後老師就專⼼教這個「唯⼀」的學⽣，中⼀⾄中五的底⼦本就不差，加上專⼼聽講，終於順利升讀中六，踏上⾼等教育之路。入讀科技⼤學讀⽣物，碩⼠研究⽣物科技，再轉到港⼤分⼦⽣物研究所，⽤四年攻讀博⼠，研究中風和老⼈癡呆，博⼠畢業時，他才28歲。

「研究影響到好多⼈，但⼀年影響到幾多？」

終⾝留在⾼等科學界，也不失為⼈⽣贏家。但28歲的V博⼠想要更多，當年他兒⼦已經8歲，⼀位教授問道，他能否跟兒⼦解釋他有關中風和老⼈癡呆的研究，他做不到。令他反思做科學家，不應只留在象牙塔閉⾨造⾞，「你可能⽤3年時間做⼀個課題，做出嚟可能最後係零，咁你所謂努⼒其實係⽩費⼼機，但教學唔同，我哋每教⼩朋友⼀句說話，其實佢會慢慢累積，縱使之後佢未必成為⼀個好出⾊嘅成功⼈⼠，但有時有啲學⽣同我講返，我仲記得你當⽇同我講過咩說話的時候，我覺得個價值會⼤啲。」研究能影響到很多⼈，但總難及以⽣命影響⽣命地教學，V博⼠決定離開研究界，轉投補習。

「我真係好鍾意教⼈。」

12年前由上⾨私補做起，有家長不只⿎勵他開補習社教更多學⽣，更為他在海濱花園找來平租舖位。由第⼀間補習社做起，直⾄九間分校偏佈荃灣﹑深井﹑屯⾨和銅鑼灣。初時STEM的課堂只佔補習社其中⼀間房，後來佔比重越來越⾼，變⾝為博⼠科學⼯作室。

最新總部選址甲級利園商廈，以六位數字租下萬呎分店。⾝為老闆之⼀，⼤ 可坐入冷氣房數錢簽票，但他堅持親⾃落場教學， 「唔會搵我教學費就貴 啲，我真係好鍾意教⼈，好享受學⽣嚟到，由好煩惱到解決到問題。」直⾄ 現時仍做⾜363⽇，只有初⼀初⼆可休息，「因為真係無學⽣俾你教」。 正因為香港的教育制度，難以令科學教育變得貼地和讓學⽣動⼿做，V博⼠ 下定決⼼有能⼒就要重新定義STEM，「坊間賣玩具﹑賣product點解係 STEM？STEM應係融合能⼒，有難題就去解。」

「讀書從來唔會好開⼼ ，如果你唔去搵讀書的原因。」

由不喜歡讀書，⾄成為讀書制度的贏家，再轉為教育者，V博⼠深明教學不只是教授書本，⽽是教學⽣有個⼈想法，「教佢點為之係⼀個正確嘅⼈，教佢價值觀﹑道德觀，唔讀書你唔會接觸到呢啲。」⽽⾯對仍在求學路上苦苦堅持的學⽣，V博⼠只想他們不要走上⾃⼰的舊路。「讀書係需要嘅，讀書唔係陪襯⼯具，唔係應付⽗⺟⼯具，唔係成功唯⼀途徑。讀書從來唔會好開⼼，如果你唔去搵讀書的原因，你⼀定唔會開⼼。」V博⼠最想他的學⽣，學懂學習。